SURANAN DAN AGEMAN

SURANAN

Murid                : Assalamu’alaikum

Narasumber    : Wa’alaikum salam.Monggo mlebet mawon mba?

Murid                : Inggih,matur nuwun mbah. Sugeng Mbah?

Narasumber    : Pangestunipun nak.Wonten nopo kadingaren pada dolan mrene?

Murid                : Kados niki mbah,kula lan kanca-kanca gadhah tugas saking       sekolahan ken madosi informasi babagan kebudayaan jawa ing   dusun kewarisan niki.

Narasumber    : Oh,kados niku.Saking SMEA nggih mba?

Murid                : Nggih,mbah.

Narasumber    : Ajeng tanglet nopo?

Murid                : Ngapunten mbah sak derengipun,kula ajeng tanglet,asmane simbah                               sinten?

Narasumber    : Nami kula,napa nami garwa kula?

Murid                : Nggih asmane simbah mawon.

Narasumber    : Asma kula wartun nak.

Murid                : Nuwun sewu mbah,tegese suranan niku napa mbah?

Narasumber    : Slametan sing dianakake ing wulan sura saben wong sing asli     kewarisan kudu gawe.Sing pada mranto kudu bali,yen ora ngirimi        duwit mengko jaluk gawekna slametan karo sing nang ngumah.          Tradisi iki pancen aneh tapi nyata tuladhane nek ora gawe ana bae    masalahe.Dadi ora kena go dolanan,niate kudu apik.

Murid                : Ancase suranan niku nopo ,mbah?

Narasumber    : Kanggo slametan,supaya diparingi berkah.Kanggo nyuciake badan

Murid                : Sejarahnipun suranan niku napa mbah?

Narasumber    : Aku ya ra ngerti mba.Maune simbah kan uripe nang kulon terus                 bali,melu bojone.

Murid                            : Oh,kados niku nggih.Menawi dhaharan ingkang mesti wonten ing             suranan napa mawon mbah?

Narasumber    : Ndamel sekul,kedele putih ora kena sing ireng,peyeke kudu kan                            kacang,krupuk,lalabane kudu ana petene,srundeng kuwi kudu                     nggawe,pitik sak gluntung.Ora kena endog.

Murid                : Kenging napa mboten angsal ngangge tigan mbah?

Narasumber    : Ya,pokoke ora kena mba.Kie ana kedadean wingi, wong sing saking         ora nduwene duwit nggo tuku pitik,lah terus diganti nganggo                                  endog.Mripate dadi metu.Mbasa ditakokna aring wong pinter kuwe              mergane anu anggone gawe slametan nganggo endog dadi kaya                      kuwe.

Murid                            : Oh,kados niku nggih mbah.Lajeng masake piyambak-piyambak                 napa sareng-sareng warga sadusun mbah?

Narasumber    : Ya dewek-dewek mba saben keluwarga.Masake ora kena dicicipi                           riyin mba.

Murid                            : Lha kados niku nggih mboten ngertos rasane enak napa mboten                           mbah?

Narasumber    : Nggih mpun adate kados niku sih mba.

Murid                            : Sing damel slametan niku saben tiyang napa saben keluwarga                  mbah?

Narasumber    : Nggih sing mpun omah-omah mba kudu damel piyambak-piyambak.

Murid                : Sing damel slametan niku sinten mawon mbah?

Narasumber    : Nggeh sedaya warga asli kewarisan utawa sedaya warga dudu asli   kewarisan sing wis manggon netep ing kewarisan niku kudu gawe  

                            mba. Nek misale ora duwe duwit,ya mesti ana bae rejekine sing teka.

Murid                : Wekdal suranan niku ing dinten napa mbah?

Narasumber    : Nggih teng wulan sura,njuput jum’at kliwon.Yen ora menangi,dijukut        slasa kliwone.Kebeneran taun siki nang dina jum’at kliwone tanggal          22 november jawane tanggal 18.

Murid                : Tradisi suranan niku mapan ing ngendi mbah?

Narasumber    : Ing masjid banyu mudal.

Murid                : Kenging napa mapan ing banyu mudal mbah?

Narasumber    : Kan teng mriku wonten pesareane syeh asmara kondhi lan ing                  ngarepe wonten masjid ageng dados mapan teng mriku sisan                ziaroh.

Murid                            : Lajeng,sinten mawon ingkang datheng wonten ing banyu mudal               niku?

Narasumber    : Sak keluwarga tumut kabeh.Mengko nang kana uga ana bupatine             melu nekseni.

Murid                : Urut-urutane suranan niku kepripun mbah?

Narasumber    : Belanja disit,masak,digawa menyang banyu mudal.Neng kana                  diselehake/dikumpulna ing tengah mesjid terus di dongani,yen wis            cepone dijupuk,digawa bali neng umah.Mengko panganane yen wis            didongani dadi anyeb mba,ora ana rasane.

Murid                : Lajeng pripun mbah? Di bumboni malih napa angsal?

Narasumber    : Ya ulih,mba.Asal wis didongani ya wis.

Murid                            : Oh,kados niku nggeh mbah.Kula astani sampun sekap matur                     nuwun sanget mbah.

Narasumber    : Ya pada-pada mba.

 

AGEMAN

Murid                            : Mbah niki kula lan kanca-kanca dipun dhawuhi madosi informasi                          babagan rasukan ingkang diagem simbah.Rasukane simbah niku               asmane napa?

Narasumber    : Jenenge mbayak utawa kebaya jaman biyen.

Murid                : Kenging napa simbah mboten ngaggem daster,gamis napa celana?

Narasumber    : Lah wong wis biasa mba,tur isin.

Murid                : Model utawa motif rasukan kados pundi ingkang simbah remeni?

Narasumber    : Ya abang,ijo,coklat,kembang-kembang.

Murid                : Mbayak utawa kebaya jaman riyin niku bentene napa mbah?

Narasumber    : Nek kebaya jaman biyen ana kuthu barunge.

Murid                            : Rasukan mbayak utawa kebaya jaman biyen niku,diagem saben                           dinten,napa namung kala-kala yen badhe tindak?

Narasumber    : Paling ya nek garep meng mesjid,karo nek arep lunga adoh.Wong           wis tuwa ya lunga-lunga nganngo klambi dawa nganggo    kudung.Ora patut nek nganggo klambi kaya kie.Nek nang umah lha      nganggo kaya kie kaos cendek karo jarit.

Murid                : Sak lajenge,simbah remen ngangge jarit ingkang motif napa?

Narasumber    : Nggih paling sidomukti.

Murid                            : Urut-urutane ngagem rasukan mbayak ingkang trep niku pripun                 mbah?

Narasumber    : Jaritan dhisit,kari dibentingi.Klamben terus kari kudungan.

Murid                : Benting niku,ancase kangge napa mbah?

Narasumber    : Ya nggo bentingan ben aja mlorod jarite.

Murid                : Carane ngagem benting niku pripun mbah?

Narasumber    : Ya di gubed-gubedna sing kenceng nek wis pol lewihane                             dislesepena nduwur.

Murid                : Simbah wiwit kapan ngagem rasukan kados niku?

Narasumber    : Kawit enom,taun pira ya mbien wis kelalen pokoke kawit enom.

Murid                : Inggih mbah,sampun cekap matur nuwun sanget.

TUGAS BAHASA JAWA

 

Nama kelompok         : 1. Ayu vivi Ruwanti

                                             2. Evi Agustiani

                                             3. Irma yuliana

                                             4. ISNAENI NURUL KHOTIMAH

                                             5. Trisna dewi setyaningsih

Kelas                              :  XI-B1

Smk negeri 1 kebumen

Jalan cemara no.37 karangsari

kebumen